Birta - landssamtök foreldra sem misst hafa börn/ungmenni fyrirvaralaust, stendur fyrir landssöfnun föstudaginn 25. og laugardaginn 26.september. Sölumenn á vegum Birtu verða í ýmsum verslunum vítt og breitt um landið og selja einstaklega fallegar barmnælur. Alexander Birgir mun standa vaktina í Nettó þessa daga ásamt móður sinni og selja nælur. Nælan kostar 2000 kr. - posi verður á staðnum.
Birta - landssamtök voru stofnuð 7.desember 2012. Samtökin hafa það að markmiði að styðja við foreldra/forráðamenn sem misst hafa börn/ungmenni skyndilega. Stuðningurinn er m.a. fólginn í ýmisskonar fræðslu á opnum húsum sem haldin eru mánaðarlega. Einnig standa samtökin fyrir árlegum hvíldardögum fyrir foreldra/forráðamenn með endurnærandi hvíld að leiðarljósi. Nánari upplýsingar má finna á Facebooksíðu samtakanna.