Skokkhópur Birgittu fer af stað

• Fréttir
• 22. september 2015

Á morgun miðvikudag klukkan 19:45 er fyrirhugað að hópur áhugafólks um stofnun skokkshóps hittist við sundlaugina. Lagt verður upp með að ganga, skokka eða hlaupa hver á sínum hraða frá sundlauginni, gamla inngangi, í átt að Þorbirni og að 15 mínútum loknum er snúið við og haldið sömu leið til baka.  Þannig næst samtals 30 mínútna gangur, skokk eða hlaup í góðum félagsskap.

Með þessari aðferð er lagt upp með að allir sem hafa áhuga geta komið með algjörlega óháð þoli. Byrjendur geta valið að ganga og skokka til skiptis og þeir sem lengra eru komnir geta hlupið á þeim hraða sem þeir vilja.

Vonandi mæta sem flestir til að koma á skemmtilegum félagsskap með reglulegum æfingum.

• Síðast uppfært: 22. september 2015