1391. fundur Bæjarráðs Grindavíkur haldinn í bæjarstjórnarsal, þriðjudaginn 15. september 2015 og hófst hann kl. 17:00.

Fundinn sátu:
Hjálmar Hallgrímsson varaformaður, Kristín María Birgisdóttir formaður, Ásrún Helga Kristinsdóttir aðalmaður, Marta Sigurðardóttir áheyrnarfulltrúi, Róbert Ragnarsson bæjarstjóri og Jón Þórisson sviðsstjóri fjármála- og stjórnsýslusviðs.

Fundargerð ritaði: Róbert Ragnarsson, bæjarstjóri.

Dagskrá:

1. 1506028 - Fjárhagsáætlun 2016-2019: Grindavíkurbær og stofnanir
Jón Þórisson sviðsstjóri fjármála- og stjórnsýslusviðs kynnti drög að launaáætlun ársins 2016 og forsenduskjal sem sent verður forstöðumönnum vegna vinnslu fjárhagsáætlunar 2016-2019.

2. 1509025 - Bókasafn: Beiðni um viðauka við fjárhagsáætlun 2015
Minnisblað sviðsstjóra frístunda-og menningarsviðs lagt fram, þar sem óskað er eftir viðauka við fjárhagsáætlun bókasafnsins vegna ársins 2015 að fjárhæð 2.272.000 kr.

Bæjarráð leggur til við bæjarstjórn að viðaukabeiðnin verði samþykkt og komi til lækkunar á handbæru fé.

3. 1508187 - Félagsþjónusta: Viðauki 2015
Minnisblað sviðsstjóra félagsþjónustu-og fræðslusviðs lagt fram, þar sem óskað er eftir við auka við fjárhagsáætlun félagsþjónustunnar vegna ársins 2015 að fjárhæð 11.900.000 kr.

Bæjarráð leggur til við bæjarstjórn að viðaukabeiðnin verði samþykkt og komi til lækkunar á handbæru fé.

4. 1509047 - Fundadagatal Grindavíkurbæjar: 2015-2016
Bæjarstjóri kynnti tillögu að fundadagatali Grindavíkurbæjar fyrir veturinn 2015-2016.

Bæjarráð samþykkir dagatalið fyrir sitt leyti og vísar því til umfjöllunar í nefndum.

5. 1509068 - Beiðni um umsögn: umsókn Andreu Ævarsdóttur um leyfi til reksturs gististaðar í flokki I (heimagisting)
Bæjarráð gerir ekki athugasemd við umsóknina, en vísar að öðru leyti til umsagna byggingafulltrúa og slökkvistjóra.

Fleira ekki gert. Fundi slitið kl. 18:00.

• Síðast uppfært: 17. september 2015