Sett inn þann 26.08.03
76. fundur umhverfisnefndar haldinn miðvikudaginn 13. ágúst kl. 18.00 að Hafnargötu 6.

Farið var yfir gærdaginn og ákveðið var að veita ein verðlaun fyrir fallegan vel gróinn og vel hirtan garð.

Garðurinn að Suðurvör 1 er mjög vel gróinn og vel hirtur og á skilið að fá viðurkenningu.

Einig var ákveðið að veita viðurkenningu fyrir snyrtilega og stílhreina útfærslu á garði og innkeyrslu og var ákveðið að húsið að Baðsvöllum 18 ætti það fyllilega skilið.

Endurbygging gamalla húsa krefst natni og viljastyrks, lofsvert er þegar einstaklingar taka sig til og framkvæma af hugsjón slík verk.
Stafholt er það hús sem tekist hefur hvað best við að endurbyggja nú í seinni tíð. Nefndin mun veita viðurkenningu til eigenda Stafholts fyrir endurbyggingu gamals húss.

Fyrirtæki og stofnanir ganga misvel um hús og lóðir. Svæðisstjórn fatlaðra að Túngötu 15 ? 17 ásamt íbúum þar, hafa staðið sig með prýði og eiga heiður skilið fyrir umgengni húss og lóðar.

Nefndin komst að sameiginlegri niðurstöðu um að veita ofantöldum aðilum viðurkenningu og ákveðið var að koma sér í samband við bæjarstjóra og finna heppilegan tíma fyrir afhendingu viðurkenninga.

• Síðast uppfært: 24. nóvember 2003