Atvinna: Spennandi störf sérfræðinga á félagsþjónustu- og fræðslusviði laus til umsóknar

• Fréttir
• 23. júlí 2015

Grindavíkurbær auglýsir spennandi störf sérfræðinga laus til umsóknar á félagsþjónustu- og fræðslusviði. Um þrjú störf er að ræða: félagsráðgjafi í 50% starfshlutfalli, leikskólaráðgjafi í 50% starfshlutfalli og sálfræðingur í 50% starfshlutfalli. Nánar upplýsingar hér að neðan

Félagsráðgjafi í 50% starfshlutfalli
Helstu verkefni og ábyrgð
Verkefni félagsráðgjafa taka til almennrar félags- og velferðarþjónustu, auk barnaverndarmála. Félagsráðgjafi veitir einstaklingum og fjölskyldum félagslega ráðgjöf svo sem vegna félagslegra erfiðleika, uppeldis barna og unglinga, veikinda, fötlunar, vímuefnaneyslu og umgengis- og skilnaðarmála, auk þess að sinna vinnslu barnaverndarmála.

Hæfniskröfur
Starfsréttindi í félagsráðgjöf
PMTO grunnmenntun og/eða meðferðarmenntun er æskileg
Þekking og reynsla í vinnslu og meðferð mála með einstaklinga og fjölskyldur
Þekking og reynsla í vinnslu barnaverndarmála
Frumkvæði, nákvæmni og sjálfstæði í vinnubrögðum
Hæfni í mannlegum samskiptum og áhugi á teymisvinnu

Leikskólaráðgjafi í 50% starfshlutfalli
Helstu verkefni og ábyrgð
Leikskólaráðgjafi er leikskólastjórum og öðrum starfsmönnum leikskóla til ráðgjafar og stuðnings um fagleg málefni, veitir ráðgjöf vegna foreldrasamstarfs í leikskólum, er ráðgefandi í sérverkefnum, þróunarverkefnum og nýbreytnistarfi og miðlar þekkingu og nýjungum á sviði leikskólafræða. Þá sinnir viðkomandi hlutverki daggæslufulltrúa sveitarfélagsins og annast umsjón með almennum uppeldisnám-skeiðum.

Hæfniskröfur
Leikskólakennaramenntun, auk þekkingar og reynslu af leikskólastarfi
Viðbótarmenntun er nýtist í starfi er æskileg
Reynsla af stjórnun í leikskóla er æskileg
Þekking á uppbyggingarstefnunni er æskileg
PMTO grunnmenntun og/eða meðferðarmenntun er æskileg
Leiðbeinandaréttindi í Uppeldi sem virkar - Færni til framtíðar er æskileg
Frumkvæði, nákvæmni og sjálfstæði í vinnubrögðum
Hæfni í mannlegum samskiptum og áhugi á teymisvinnu

Sálfræðingur í 50% starfshlutfalli
Helstu verkefni og ábyrgð
Greining, ráðgjöf og eftirfylgni vegna nemenda í leik- og grunnskóla, forvarnarstarf í leik- og grunnskóla með áherslu á sjálfbærni skólanna á lausn mála sem upp koma. Stuðningur við stjórnendur og starfsfólk leik- og grunnskóla vegna mála einstaklinga og námshópa.

Hæfniskröfur
Sálfræðimenntun og réttindi til að starfa sem sálfræðingur
Þekking og reynsla við beitingu helstu greiningarprófa í skólum
Þekking á uppbyggingarstefnunni er æskileg
PMTO grunnmenntun og meðferðarmenntun er æskileg
Frumkvæði, nákvæmni og sjálfstæði í vinnubrögðum
Hæfni í mannlegum samskiptum og áhugi á teymisvinnu

Félagsþjónustu- og fræðslusvið Grindarvíkurbæjar heyrir undir sviðsstjóra sviðssins. Þjónustan er innt af hendi í tveimur teymum, annars vegar skólaþjónustuteymi og hins vegar félagsþjónustuteymi og er rík áhersla lögð á þverfaglegt samstarf á milli teymanna. Auk þeirra starfa sem nú eru auglýst til umsóknar starfa á sviðinu lögfræðingur, sálfræðingur, félagsráðgjafi og talmeinafræðingur.

Í Grindavík búa um 3.070 einstaklingar og er hlutfall barna um 27% af íbúum. Í sveitarfélaginu eru tveir leikskólar og einn grunnskóli og rekur sveitarfélagið eigin sérfræðiþjónustu fyrir skólana. Þá rekur sveitarfélagið eigin félagsþjónustu og barnavernd en er í samvinnu við önnur sveitarfélög á Suðurnesjum vegna þjónustu við fatlað fólk.

Umsókn ásamt ferilskrá skal berast eigi síðar en 13. ágúst 2015 á bæjarskrifstofu Grindavíkurbæjar að Víkurbraut 62, 240 Grindavík. Launakjör er samkvæmt kjarasamningi viðkomandi stéttafélags og Sambands íslenskra sveitarfélaga. Umsækjandi þarf að geta hafið störf sem fyrst.

Nánari upplýsingar um störfin veita Nökkvi Már Jónsson, sviðsstjóri (nmj@grindavik.is /420-1100) og Ingibjörg María Guðmundsdóttir, sálfræðingur (ingamaria@grindavik.is /420-1100).

• Síðast uppfært: 23. júlí 2015