Blústónleikar á Salthúsinu í kvöld, Dagur Sig og Blúsband

  • Sjóarinn síkáti
  • 4. júní 15

Fimmtudaginn 4. júní verður blásið til glæsilegra Blústónleika á Salthúsinu. Tilvalin upphitun fyrir Sjómannadagshelgina! Fram koma Dagur Sig og Blúsband + leynigestur. Húsið opnar á slaginu 21.00 og miðaverð er 2000kr.

Hljómsveitin kom saman og spilaði á Blúshátíð 2015 og voru viðtökurnar svo góðar að ákveðið var að keyra bandið áfram.
Dagur Sigurðsson söngvari bandsins á langan feril að baki þrátt fyrir ungan aldur og byrjaði að syngja blúsinn aðeins 15 ára gamall og 18 ára gamall tók hann þátt í Blúshátíð Kópavogs undir stjórn Björns Thoroddsen. Undanfarið hefur hann slegið í gegn í ýmsum uppfærslum með Rigg hópnum. Má þar nefna heiðurstónleika Meatloaf, Led Zeppelin, U2 o.fl.
Í Blúsbandinu eru frábærir tónlistarmenn. Það eru þeir Hjörtur Stephensen sem leikur á gítar af sinni alkunnu snilld. Ryþmasveitina skipa svo Magnús Örn Magnússon á trommur og Steinþór Guðjónsson á bassa.

 

Deildu ţessari frétt