Það voru ekki bara Sjálfstæðismenn sem tóku til hendinni við hreinsun bæjarins í gær því stelpurnar í 3. flokki kvenna voru mættar í fjöruna við hafnarsvæðið í gær til að tína rusl og hreinsa til. Umtalsvert rusl hafði safnast í grjótið í vetur og ekki hægt að bjóða gestum Sjóarans síkáta uppá slíkan sóðaskap. Þetta er ekki fyrsta fréttin sem við flytjum af framtakssemi 3. flokks kvenna en þær hafa verið afar duglegar við fjáröflun í vetur og tekið að sér fjölmörg verkefni í bænum.