Það verða sannkallaðir risatónleikar á Sjóaranum síkáta í Grindavík laugardagskvöldið 6. júní kl. 21:00 í íþróttahúsinu. Þá mætir SkonRokk gengið og gildir miðinn á tónleikana einnig á ballið á eftir. SkonRokk hópurinn hefur algjörlega slegið í gegn og fest sig í sessi tónleikaunnenda. Nú verður 80´s áratugunum beggja vegna gerð góð skil. Eyþór Ingi, Birgir Haralds (Gildrunni), Pétur „Jesú" Guðmundsson og Stebbi Jak ásamt hinni mögnuðu hljómsveit Tyrkja Guddu, munu flytja öll gæsahúðarlögin frá þessu magnaða tónlistartímabili í rokksögunni.
Hægt er að finna SkonRokk hópinn á Fésbókinni undir Tyrkja Gudda og allar hugmyndir að lagavali eru vel þegnar.
Miðaverð: 5.500 kr. Miðinn gildir einnig á ball í íþróttahúsinu eftir tónleikana með Helga Björns, Steinda jr. og Bent. Forsala í Aðal-braut, Víkurbraut 31, sími 426 7222. Aldurstakmark á tónleikana er 18 ár.