Blái herinn ætlar að hreinsa grindvískar fjörur á laugardaginn og vantar þína hjálp við verkið. Að þessu sinni er það fjaran vestan við gamla fiskeldið í Mölvík, hér skammt vestan við bæinn sem á að hreinsa. Herinn safnast saman að Ásbrú klukkan 09:00 og verður því væntanlega að renna í hlað við Mölvík um 09:30.
Það eina sem þarf að taka með sér er góða skapið, góðan skóbúnað og vera klæddur eftir veðri. Áætlað er að verkið taki um það bil þrjá tíma og að því loknu verður boðið upp á kleinur og heitt kakó fyrir þá sem lögðu hönd á plóg.