Nú styttist óðfluga í knattspyrnusumarið. Karlalið Grindavíkur sem leikur í 1. deild í sumar tók á móti Pepsideildarliði Fjölnis á gamla aðalvellinum í gærkvöldi. Fjölnir fór með sigur af hólmi 1-0 en sigurmarkið kom úr vítaspyrnu undir lok leiksins.
Í bæði lið vantaði nokkra lykilmenn. En Grindavíkurliðið lofar góðu fyrir sumarið. Liðið virkar þétt og meiri breidd í hópnum en í fyrra. Verður fróðlegt að sjá hvernig strákunum gengur í sumar en Tommy Nielsen og Óli Stefán Flóventsson virðast á réttri leið með liðið. Fyrsti heimaleikur liðsins er gegn Fjarðabyggð laugardaginn 9. maí kl. 14:00.
Mynd: Gamli refurinn Scott Ramsey er ekki dauður úr öllum æðum. Hann átti fína spretti í leiknum. Myndin er frá leiknum í gærkvöldi.