Sú nýjung er nú í boði hjá útgáfufyrirtækinu Eddu, sem gefur út hinar sívinsælu Disney bækur, að bjóða upp á lesskilningsverkefni með Disney bók mánaðarins.
Bangsímon og Hunangstréð er nýjasta bókin hjá okkur og verða verkefnaheftin til á safninu fyrir 150 kr.
Einnig getur fólk prentað heftin út sjálft heima af slóðinni http://www.edda.is/lesskilningur
Það er hægt að fá bókina á hljóðdisk og er það Halla Margrét Jóhannesdóttir leikkona og skáld sem les.
Diskurinn er tilvalinn fyrir börn sem kunna ekki að lesa eða fyrir börn með lestrarerfiðleika og geta þau þá fylgst með í bókinni um leið og sagan er lesin.