Stelpurnar í 7. flokki kræktu í silfur eftir ævintýralegan vetur

• Körfubolti
• 20. apríl 2015

Stelpurnar í 7. flokki kvenna (árgangur 2002) spiluðu til úrslita á Íslandsmótinu um helgina þar sem þær kræktu í silfur eftir tap í hreinum úrslitaleik gegn Keflavík. Lokatölur urðu 26-23 eftir framlengingu, en samkvæmt frétt á karfan.is var leikurinn jafn og æsispennandi og áhorfendur sem nánast fylltu Röstina skemmtu sér konunglega. 

Þó svo að silfur sé vissulega glæsilegur árangur hjá þessum efnilegu stúlkum hlýtur tapið að vera ansi svekkjandi en þetta var aðeins annar leikurinn sem liðið tapar á tímabilinu. Þjálfari 7. fl. kvenna er Ellert Magnússon.

Mynd: Tracy Vita Horne

• Síðast uppfært: 20. apríl 2015