4. fundur umhverfis- og ferðamálanefndar haldinn í bæjarstjórnarsal, miðvikudaginn 15. apríl 2015 og hófst hann kl. 17:00.

Fundinn sátu:
Gunnar Margeir Baldursson formaður, Hjörtur Waltersson aðalmaður, Magnús Andri Hjaltason aðalmaður, Jón Emil Halldórsson aðalmaður, Ármann Halldórsson sviðsstjóri skipulags- og umhverfissviðs, Siggeir Fannar Ævarsson Upplýsinga- og skjalafulltrúi og Kristín María Birgisdóttir varamaður.

Fundargerð ritaði: Siggeir F. Ævarsson, upplýsinga- og skjalafulltrúi.

Dagskrá:

1. 1502097 - Skógrækt í landi Grindavík: Sköpum skjól
Guðmundur Grétar Karlsson formaður Skógræktarfélags Grindavíkur mætti á fundinn ásamt 3 stjórnarmönnum og kynnti starf félagsins, framtíðarplön og fleira. M.a. fyrirhugað skjólbelti á Hópsheiði við vegstæði Suðurstrandarvegar framtíðarinnar.

Margt á döfinni hjá félaginu, sjálfboðaliðar frá Ceeds á leiðinni til landsins í sumar sem munu vinna að göngustígagerð á svæðinu í júní. Klára á leiktæki, grisja meira, bæta aðstöðu og fleira.

Guðmundur vakti einnig athygli á hlutverki hliðsins við Selskóg, en eftir að það var sett upp hefur umgengni um skóginn tekið stórstígum framförum. Hann vakti einnig athygli á því að auðsótt mál er að fá lykil að hliðinu ef menn þurfa á því að halda. Rætt um að sett verði upp skilti við hliðið til þess að tryggja góða og rétta umgengni.

Nefndinni falið að vinna framtíðarsýn fyrir Selskóg og skógrækt á svæðinu þar í kring fyrir næsta fund.

2. 1504007 - Græn og opin svæði: Samráð við umhverfis- og ferðamálanefnd
Hjalti Guðmundsson, umsjónarmaður grænna- og opinna svæða kom á fundinn og kynnti hugmyndir um skógrækt í landi Grindavíkur, verkefnið "Sköpum skjól". Hjalti vakti athygli á að mjög takmarkað fé væri eyrnamerkt verkefninu. Farið var rækilega yfir fyrirhugaða göngustíga og gróðurvöntun í bænum. Stefnt verður á vettvangsferð á næsta fundi til að móta stefnu til framtíðar. Hjalti gerði grein fyrir sínum hugmyndum um nýtingu svæða í bænum. Nefndin óskar eftir að Hjalti komi reglulega á fundi og vinni í samráði við nefndina að frekari útfærslum.

Hjalta veitt heimild til að vinna að endurbótum trjágróðurs og beða við Víkurbraut.

3. 1504006 - Umhverfisdagar: 2015
Brýnt að Umhverfisdagar 2015 verði fyrir Sjómannadagshelgina. Nefndin leggur til að Umhverfisdagar verði dagana 9.-16. maí. Nánari útfærsla verður auglýst á heimasíðu Grindavíkurbæjar þegar nær dregur.

4. 1503009 - Vindorkugarður á Reykjanesi: viljayfirlýsing
Nefndinni hugnast ekki að byggður verði vindmyllugarður í landi Grindavíkur.

5. 1503029 - Auðlindastefna og Eldfjallagarður: Skýrsla
Lagt fram

6. 1503060 - Vegagerð: Samráðsfundir
Fundargerð frá fundi með Vegagerðinni lögð fram. Nefndin harmar viðvarandi sinnuleysi Vegagerðarinnar í vegamálum Grindavíkurbæjar og vonar að gerði verði bragarbót í þessum málaflokki sem allra fyrst.

Fleira ekki gert. Fundi slitið kl. 20:10.

• Síðast uppfært: 16. apríl 2015