38. fundur Fræðslunefndar haldinn í bæjarstjórnarsal, miðvikudaginn 25. mars 2015 og hófst hann kl. 17:00.
Fundinn sátu:
Þórunn Svava Róbertsdóttir formaður, Ámundínus Örn Öfjörð aðalmaður, Ragnheiður Þóra Ólafsdóttir, varamaður, Guðmundur Grétar Karlsson aðalmaður, Jóhanna Sævarsdóttir, varamaður, Nökkvi Már Jónsson sviðsstjóri félagsþjónustu- og fræðslusviðs, Halldóra Kristín Magnúsdóttir og Valdís Inga Kristinsdóttir.
Fundargerð ritaði: Nökkvi Már Jónsson, sviðsstjóri félagsþjónustu- og fræðslusviðs.
Dagskrá:
1. 1503140 - Grunnskóli Grindavíkur: Heimanám
Garðar Páll Vignisson, sérkennari í Grunnskóla Grindavíkur kemur inn á fundinn undir þessum lið.
Garðar kynnir helstu niðurstöður lokaverkefnis síns til M.Ed. prófs sem fjallar um heimanám. Í verkefninu eru könnuð viðhorf foreldra, kennara og nemenda í 5. og 9. bekkjum sjö skóla á landinu til heimanáms.
Fræðslunefnd kallar eftir því að heimanámsstefna Grunnskóla Grindavíkur verði útfærð í skólanámskrá skólans sem ætlunin er að afgreiða fyrir næsta skólaár.
2. 1503106 - Skólapúlsinn 2014 - 2015
Niðurstöður viðhorfskönnunar foreldra í Skólapúlsinum frá því í mars sl. eru lagðar fram. Í könnuninni eru mæld viðhorf foreldra til náms og kennslu, velferðar nemenda, aðstöðu og þjónustu, foreldrasamstarfs og heimastuðnings. Niðurstöður könnunarinnar gefa tilefni til að gerð verði umbótaáætlun sem liggja þarf fyrir í starfsáætlun skólans næsta skólaárs. Nefndin leggur ríka áherslu á aðkoma foreldra að þeirri umbótaáætlun verði tryggð.
3. 1411007 - Beiðni um nýtt stöðugildi í Grunnskóla Grindavíkur
Halldóra Kr. Magnúsdóttir upplýsir nefndina um að enn hafi ekki tekist að ráða í stöðuna. Stefnt er að því að staðan verði auglýst til umsóknar þannig að nýr starfsmaður geti hafið störf næsta skólaár.
Fleira ekki gert. Fundi slitið kl. 19:15.