1376. fundur Bæjarráðs Grindavíkur haldinn í bæjarstjórnarsal, þriðjudaginn 17. mars 2015 og hófst hann kl. 17:00.

Fundinn sátu:
Hjálmar Hallgrímsson formaður, Bryndís Gunnlaugsdóttir Holm aðalmaður, Kristín María Birgisdóttir varaformaður, Marta Sigurðardóttir áheyrnarfulltrúi, Róbert Ragnarsson bæjarstjóri og Jón Þórisson sviðsstjóri fjármála- og stjórnsýslusviðs.

Fundargerð ritaði: Róbert Ragnarsson, bæjarstjóri.

Formaður leitar heimildar til að bæta máli á dagskrá með afbrigðum.

1503110: Vatnsveita Grindavíkur: Gjaldskrá

Samþykkt samhljóða.

Dagskrá:

1. 1501010 - Íþróttamannvirki: Uppbygging tengibyggingar og íþróttasalar
Framhald frá síðasta fundi. Þorsteinn Gunnarsson sviðsstjóri frístunda-og menningarsviðs og Ármann Halldórsson sviðsstjóri skipulags- og umhverfissviðs kynntu áætlaðan rekstrarkostnað fyrir mannvirkið og tillögu að stúku.

2. 1503075 - Umferðaröryggisáætlun: aðkoma um Grindavíkurveg
Bæjarstjóri kynnti þær hugmyndir sem unnið hefur verið að varðandi aðkomu um Grindavíkurveg í samstarfi við Vegagerðina.

Bæjarráð lýsir áhyggjum sínum af miklum umferðarhraða við innkomuna í bæinn og skorar á samgöngunefnd og Vegagerðina að hefja nú þegar undirbúning að gerð hringtorgs sem tengir saman fyrirhugaðan Suðurstrandarveg, Nesveg og Grindavíkurveg.

3. 1503107 - Vatnslögn: Seljabót frá Ránargötu að Suðurgarði
Skipulags- og umhverfissvið leggur til að lögð verði afkastameiri vatnslögn frá Ránargötu um Seljabót að Suðurgarði.

Bæjarráð samþykkir tillöguna og felur byggingafulltrúa að leita tilboða í verkefnið.

4. 1503095 - Fasteignamat: Tillaga um endurmat eigna vegna breyttrar nýtingar
Bæjarstjóri leggur fram tillögu um endurmat eigna vegna breyttrar nýtingar húsa í Grindavík.
Borist hafa upplýsingar um að embætti sýslumanns hafi veitt leyfi til þess að stunda atvinnustarfsemi í húsum sem eru skráð sem íbúðarhús. Umrædd leyfi hvað varðar gistingu eða veitingastarfsemi eru veitt á grundvelli reglugerðar nr.585/2007.

Álagning fasteignagjalda er byggð á fasteignamati og flokkun miðað við notkun húsa svo sem tilgreint er í lögum nr. 4/1995 um fasteignagjöld. Til þess að gæta jafnræðis er nauðsynlegt að tryggja að eignir séu rétt flokkaðar í mati eftir notkun þeirra.

Samkvæmt ákvörðun bæjarstjórnar eru álagningarstuðlar fasteignagjalda svo sem hér segir:
Flokkur A íbúðarhús er 0,36%,
Flokkur B sem eru opinberar byggingar er 1,32%
Flokkur C sem er atvinnuhúsnæði er 1,65%.

Húsnæði sem nýtt er til ferðaþjónustu er flokkað í C-flokk.

Að teknu tilliti til þess sem að framan greinir leggur bæjarstjóri til að byggingarfulltrúa verði falið að afla upplýsinga um útgefin rekstrarleyfi hjá embætti sýslumanns og koma þeim til Þjóðskrár svo tryggt verði að húsnæði í bænum hljóti rétta flokkun og þar með verði álagning fasteignagjalda á grundvelli traustra upplýsinga um notkun viðkomandi húsa.

Bæjarráð samþykkir tillöguna.

5. 1503039 - Víðihlíð: Leigufjárhæð íbúða
Framhald frá síðasta fundi.

6. 1503110 - Vatnsveita Grindavíkur: Gjaldskrá
Sviðsstjóri fjármála-og stjórnsýslusviðs lagði fram tillögu um gjaldskrá vatnsveitu lögð fram, á grundvelli reglugerðar um vatnsveitur sveitarfélaga nr. 401/2005

Bæjarráð vísar gjaldskránni til bæjarstjórnar til staðfestingar.

Fleira ekki gert. Fundi slitið kl. 18:00.

• Síðast uppfært: 20. mars 2015