Húsfyllir í stórskemmtilegri söngveislu

  • Menningarvika
  • 19. mars 2015
Húsfyllir í stórskemmtilegri söngveislu

Það var sannkölluð söngveisla í Grindavíkurkirkju í gærkvöldi þegar fimm sönghópar og kórar tróðu upp og fylltu kirkjuna af söng og fjöri. Vísiskórinn undir stjórn Margrétar Pálsdóttur sló takinn með gleði sinni og fjölmenningu og söng lög á nokkrum tungumálum og kom tónleikagestum í hörku stuð.  

Þá var komið að Karlakór Grindavíkur undir stjórn Renötu Iván sem tók fjögur lög, síðast tók kórinn Á Sprengisandi og kirkjan var öll á iði. Þá var komið að Kór Grindavíkurkirkju undir stjórn Bjarts Loga Guðnasonar sem flutti m.a. ítalskt lag af stakri prýði og fagmennsku en kórinn fer á ítalskar slóðir í sumar. 

Eftir hlé var tók við léttsveitin Guðjón og þar var heldur betur hæfileikaríkt fólk frá Grindavík á ferð ásamt stjórnanda kórs Grindavíkurkirkju. Þau tóku m.a. þetta sálma eins og Joshua Fought the Battle of Jericho og hrifu alla með sér.

Að síðustu steig Sönghópur Suðurnesja á stokk en í hópnum eru m.a. nokkrir Grindvíkingar. Stjórnandi er hinn landsþekkti tónlistarmaður Magnús Kjartansson. Sönghópurinn tók skemmtileg lög, m.a. eftir Þóri Baldursson, Gunnar Þórðarson og Magnús sjálfan og sló botninn í frábæra kvöldstund.

Myndir: Eyjólfur Vilbergsson.

Efsta mynd: Sönghópur Suðurnesja, fremst er Magnús Kjartansson stjórnandi.

Vísiskórinn kom heldur betur stuði í mannskapinn.

Léttsveit Guðjóns hefur ekki komið fram opinberlega áður og sló í gegn.

Kór Grindavíkurkirkju er ótrúlega faglegur og flottur undir stjórn Bjarts Loga.

Karlakór Grindavíkur fyllti kirkjuna af krafti og karlmennsku.

Deildu ţessari frétt

AĐRAR FRÉTTIR

Fréttir frá Tónlistarskólanum / 23. febrúar 2018

Dagur tónlistarskólanna 2018 á morgun, laugardag

Fréttir / 23. febrúar 2018

Atvinna - Fagstjóri í hreyfisal Lautar

Fréttir / 23. febrúar 2018

Kútmagakvöld Lions föstudaginn 9. mars.

Fréttir / 21. febrúar 2018

Sumarstörf hjá Grindavíkurbć sumariđ 2018

Grunnskólinn / 19. febrúar 2018

Öskudagsfjör í Hópsskóla

Grunnskólinn / 19. febrúar 2018

Útgáfuveisla í 2. bekk

Grunnskólinn / 16. febrúar 2018

Dagur stćrđfrćđinnar í Grunnskóla Grindavíkur

Laut / 15. febrúar 2018

112 dagurinn á Laut

UMFG / 15. febrúar 2018

Juanma áfram í Grindavík

Grunnskólinn / 14. febrúar 2018

Líflegur öskudagur í Grunnskóla Grindavíkur

Fréttir / 14. febrúar 2018

Ný vefsíđa Grindavíkurbćjar í loftiđ

Fréttir / 14. febrúar 2018

Matseđill nćstu viku í Víđihlíđ