Upplýsingaskilti útbúið um gömlu kirkjuna

• Fréttir
• 9. febrúar 2009

Gamla kirkjan í Grindavík verður 100 ára í haust. Umhverfisnefnd lagði til að láta útbúa upplýsingaskilti um sögu hennar sem bæjarráð samþykkti. Tæknideild var falið að útfæra hugmyndina, í samstarfi við umhverfisnefnd.

Gamlan kirkjan var reist árið 1909 og var byggingarefnið að hluta til fengið úr gömlu kirkjunni að Stað sem hafði staðið frá 1858.

Kirkjan þjónaði Grindvíkingum allt til 1982 eða þegar núverandi kirkja Grindvíkinga var tekin í notkun. Frá 1988 var starfrækt barnaheimili í gömlu kirkjunni en hún hefur verið notuð undir félagsstarfsemi undanfarin ár.

Myndin er af gömlu kirkjunni og fengin úr Ljósmyndasafni Grindavíkur.

• Síðast uppfært: 9. febrúar 2009