Þrjár skemmtilegar málverkasýningar voru opnaðar í Menningarvikunni í gær. Helga Kristjánsdóttir ásamt þremur málurum frá Úkraínu og Hvíta Rússlandi opnaði sýningu í gamla bókasafninu í verslunarmiðstöðinni, Pálmar Örn Guðmundsson opnaði sýningu á nýja bókasafninu í Iðunni og Svíinn Sture Berglund frá vinabænum Piteå í Framsóknarhúsinu.
Hér eru hópurinn sem kom frá vinabænum Piteå í Svíþjóð til að taka þátt í Menningarvikunni í Grindavík, búin að stilla sér upp í Framsóknarhúsinu á Víkurbraut. Lengst til hægri er listamaðurinn Sture Berglund sem þar sýnir verk sín og einnig ljósmyndir af stórum náttúruverkefnum sem hann hefur tekið þátt í að móta.
Pálmar Örn Guðmundsson opnaði skemmtilega sýningu í nýja bókasafninu. Við hverja mynd er að finna sögu um tilurð myndarinnar sem gefur sýningunni enn meiri dýpt.
Helga Kristjánsdóttir sýnir á gamla bókasafninu. Hér er hún við eitt af frábærum verkum sínum.
Auk Helgu sýna tveir myndalistamenn frá Úrkaínu og einn frá Hvíta-Rússlandi, í aðstöðu gamla bókasafnsins.