Ólafía Hrönn Egilsdóttir 7.U hreppti 2. sætið í Stóru upplestrarkeppninni

• Fréttir
• 13. mars 2015

Lokahátíð Stóru-upplestrarkeppninnar var haldin í Tjarnarsal, Stóru-Vogaskóla, í gær fimmtudaginn 12.mars.
Keppnin er haldin árlega á milli Gerðaskóla í Garði, Grunnskóla Grindavíkur og Stóru-Vogaskóla .
Á hátíðinni keppa nemendur í 7. bekk, fjórir úr hverjum skóla, sem valdir hafa verið á hátíðum í hverjum grunnskóla fyrir sig. Þeir lesa brot úr skáldverki og ljóð og voru skáld Stóru upplestrarkeppninnar að þessu sinni Guðrún Helgadóttir og Anton Helgi Jónsson.

Veitt voru verðlaun fyrir þrjá bestu upplesarana og var Emilía Ýr Bryngeirsdóttir nemandi frá Gerðaskóla í fyrsta sæti, í öðru sæti var Ólafía Hrönn Egilsdóttir 7. U nemandi frá Grindavík og í þriðja sæti var Rut Sigurðardóttir nemandi frá Stóru Vogaskóla. Að auki fengu allir keppendur ljóðabók sem félag íslenskra bókaútgefanda gaf út sérstaklega fyrir þessa keppni.
Í hléi komu fram ungir hljóðfæraleikarar úr skólunum og spilaði Natalia Jenný Lucic Jónsdóttir á píanó fyrir hönd Grindavíkur.
Smellið hér til að sjá myndasafn á heimasíðu Gerðaskóla.

• Síðast uppfært: 13. mars 2015