1375. fundur Bæjarráðs Grindavíkur haldinn í bæjarstjórnarsal, þriðjudaginn 10. mars 2015 og hófst hann kl. 17:00.
Fundinn sátu:
Hjálmar Hallgrímsson formaður, Bryndís Gunnlaugsdóttir Holm aðalmaður, Kristín María Birgisdóttir varaformaður, Marta Sigurðardóttir áheyrnarfulltrúi, Róbert Ragnarsson bæjarstjóri og Jón Þórisson sviðsstjóri fjármála- og stjórnsýslusviðs.
Fundargerð ritaði: Róbert Ragnarsson, bæjarstjóri.
Formaður leitar heimildar til að bæta máli á dagskrá með afbrigðum.
1503062 Beiðni um umsögn: frumvarp til laga um fólksflutninga á landi, 504. mál.
Samþykkt samhljóða.
Dagskrá:
1. 1501010 - Íþróttamannvirki: Uppbygging tengibyggingar og íþróttasalar
Þorsteinn Gunnarsson sviðsstjóri frístunda-og menningarsviðs og Ármann Halldórsson sviðsstjóri skipulags- og umhverfissviðs fóru yfir minnisblað með útfærslu og forgangsröðun framkvæmda á grundvelli tillögu H.
Bæjarráð óskar eftir frekari upplýsingum fyrir næsta fund.
2. 1503011 - Norræna félagið í Grindavík: Samstarfssamningur
Þorsteinn Gunnarsson sviðsstjóri frístunda-og menningarsviðs kynnti drög að samstarfssamningi við Norræna félagið í Grindavík.
Bæjarráð samþykkir drög að samsstarfssamningi og vísar til staðfestingar bæjarstjórnar.
3. 1503035 - Húsatóftavöllur: stuðningur við uppbyggingu golfvallar
Golfklúbbur Grindavíkur og Bláa Lónið hf. óska eftir aðkomu Grindavíkurbæjar að samstarfi um að gera Húsatóftavöll enn betri, með það að markmiði að hann verði í fremstu röð 18 holu golfvalla á Íslandi og að rekstur hans og uppbyging verði sjálfbær.
Bæjarstjóri kynnti drög að viljayfirlýsingu um samstarfið. Bæjarráð felur bæjarstjóra að vinna málið áfram í samstarfi við Golfklúbb Grindavíkur og Bláa Lónið.
4. 1503043 - Verktaka við íþróttavöll: Framlenging á samningi
Knattspyrnudeild UMFG óskar eftir framlengingu á samningi um félagsaðstöðu í Gula húsinu og umsýslu með með tilteknum eignum Grindavíkurbæjar á íþróttasvæðinu.
Bæjarráð samþykkir að framlengja samninginn til 30. september og leggur til við bæjarstjórn að samþykktur verði viðauki við fjárhagsáætlun ársins 2015 að fjárhæð 1.800.000 kr. sem komi til lækkunar á handbæru fé.
5. 1502001 - Skipulagsnefnd: Samþykkt
Bæjarráð vísar samþykktinni til umfjöllunar í skipulagsnefnd með áorðnum breytingum.
6. 1501154 - Samþykkt um embættisafgreiðslur skipulagsfulltrúa
Bæjarráð vísar samþykktinni til umfjöllunar í skipulagsnefnd með áorðnum breytingum.
7. 1503031 - Innkaupareglur Grindavíkurbæjar: endurskoðun fjárhæða
Jón Þórisson sviðsstjóri fjármála- og stjórnsýslusviðs kynnti Innkaupareglur Grindavíkurbæjar, en skv. 23. gr. reglnanna skal endurskoða fjárhæðir í reglunum ár hvert.
Bæjarráð leggur til að fjárhæðir vegna verklegra framkvæmda í 4. gr. hækki í 15 milljónir kr. og viðmiðunarfjárhæðir í 13. gr. hækki í 2 milljónir kr. Jafnframt leggur bæjarráð til að ákvæði 23. gr. verði breytt þannig að fjárhæðir skuli endurskoða í upphafi hvers kjörtímabils.
8. 1503039 - Víðihlíð: Leigufjárhæð íbúða
Bæjarstjóri kynnti minnisblað um leigufjárhæðir íbúða í Víðihlíð.
9. 1503052 - Leiga á íþróttahúsi fyrir Kútmagakvöld: styrkbeiðni
Lionsklúbbur Grindavíkur óskar eftir niðurfellingu á leigu húsnæðis og búnaðar vegna Kútmagakvölds þann 13. mars 2015.
Bæjarráð samþykkir að fella niður leigu á húsnæðinu og 50% afslátt af leigu á búnaði.
10. 1501295 - Grindavíkurhöfn: Ósk um stuðning við gerð heimildarmyndar
Ljósmál ehf. óskar eftir styrk til gerðar heimildarmyndar um sögu vita á Íslandi.
Bæjarráð getur ekki orðið við erindinu.
11. 1503062 - Beiðni um umsögn: frumvarp til laga um fólksflutninga á landi, 504. mál.
Umsögn Sambands íslenskra sveitarfélaga um frumvarpið lögð fram.
Bæjarráð tekur undir umsögn sambandsins og leggur áherslu á að almenningssamgöngur eru mikilvægur þáttur í samgöngumálum í landinu. Bæjarráð leggur áherslu á að ekki verði heimilt að taka hagkvæmar leiðir út úr leiðakerfi á viðkomandi svæði, standi kerfið ekki undir sér.
Fleira ekki gert. Fundi slitið kl. 19:30.