Bæjarstjórn hefur samþykkt nýja umferðaröryggisáætlun fyrir Grindavíkurbæ fyrir árin 2014-2017. Í annað sinn hefur umferðaröryggisnefnd Grindavíkurbæjar haft frumkvæði að því að gera Umferðaröryggisáætlun fyrir Grindavíkurbæ. Fyrst var slík áætlun gerð 2010 og tókst framkvæmd hennar með ágætum. Ráðist hefur verið í ýmsar framkvæmdir til að stuðla að umferðaröryggi, ekki síst gangandi og hjólandi vegfarenda og m.a. lagðir stígar víða um bæinn. Á sameiginlegum fundi Umferðaröryggisnefndar og skipulags- og umhverfisnefndar kom fram eindreginn vilji að gera nýja Umferðaröryggisáætlun Grindavíkurbæjar fyrir árin 2014-2017.
Markmiðið með Umferðaröryggisáætlun Grindavíkurbæjar er að fækka slysum og gera alla vinnu á sviði umferðaröryggis markvissari.
Hér er búið að taka saman það helsta sem fram hefur komið í vinnu samráðshóps og íbúafundar varðandi umferðaröryggismál í Grindavík og jafnframt búið að forgangsraða þeim samkvæmt viðmiðum Umferðarstofu. Þetta eru fjórir flokkar en hér eru Grindavíkurvegur, Suðurstrandarvegur og Nesvegur sem tilheyra Vegagerðinni eru einnig hafðir með enda brennur ástanda þeirra vega, sérstaklega Grindavíkurvegar, mjög svo á Grindvíkingum.
Með umferðaröryggisáætlun til fjögurra er vonast til þess að sveitarfélagið leggi árlega til ákveðna upphæð til umferðaröryggismála við gerð fjárhagsáætlunar.
Líta ber á umferðaröryggisáætlunina sem leiðbeiningar frá stjórnsýslu og ráðgjöfum sveitarfélagsins. Þannig fá bæjarfulltrúar góða innsýn í stöðumatið og niðurstöður verkefna og forgangsröðun. Þannig geta bæjarfulltrúar forgangsraðað út frá eigin forsendum og samþykkt umferðaröryggisáætlunina að lokum og þannig tekið ábyrgð á henni. Umferðaröryggisáætlun er grundvöllur fyrir pólitískar ákvarðanir, hún myndar góðan grunn til að forgangsraða aðgerðum þannig að mestar umbætur náist fyrir minnst fjármagn.
Áætlunin var unnin þannig að haldinn var sameiginlegur fundur umferðaröryggisnefndar og skipulags- og bygginganefndar 25. nóvember 2013. Þar var samþykkt einróma að þetta fyrirkomulag, að hafa sérstaka umferðar- öryggisnefnd sem er ráðgefandi skipulags- og umhverfisnefnd hvað varðar umferðaröryggismál í bæjarfélaginu, sé farsæl leið til þess að þess að stuðla að auknu umferðaröryggi í bænum. Mikilvægt er að auka samvinnuna á milli nefndanna enn frekar, læra af reynslunni og hafa tíðari samráðsfundi.
Þann 23. mars 2014 var haldinn íbúafundur um gerð nýrrar umferðaröryggisáætlunar fyrir Grindavík árin 2014-2017. Í kjölfar fundarins tók verkefnisstjóri saman drög að fyrstu áætlun. Fór hún til umsagnar umferðaröryggisnefndar, skipulags- og umhverfisnefndar og bæjarráðs þar sem fram komu nokkrar ábendingar og viðbætur. Áætlunin var svo að lokum samþykkt í bæjarstjórnar 16. desember síðastliðinn.
Ábyrgðaraðili Umferðaröryggisáætlunar er sviðsstjóri skipulags- og umhverfissviðs. Allar ábendingar frá bæjarbúum um umferðaröryggismál eru vel þegnar, á netfangið: armann@grindavik.is.
Umferðaröryggisáætlun Grindavíkurbæjar 2014-2017
1.1 Grindavíkurvegur, Suðurstrandavegur og Nesvegur (heyrir undir Vegagerðina)
A. Athuga þarf að setja lýsingu við fjölförnustu gatnamótin; við Grindavíkurveg og Norðurljósaveg, þar sem beygt er inn á veginn í Bláa Lónið.
B. Breikka þarf Grindavíkurveginn, hann er barn síns tíma, hættulegur þegar tvær rútur mætast.
C. Vegurinn liggur um vatnsverndarsvæði. Heilbrigðiseftirlitið vill aðgreina akstursstefnur, með því að setja vegrið, og skipta um jarðveg í kantinum.
D. Frostlyfting á veginum er mikil. Þungaflutningar hafa aukist, um 650 þúsund gestir fara í Bláa Lónið. Þetta kallar á endurbætur á veginum og aukið viðhald.
E. Vetrarþjónusta ekki nógu góð á Grindavíkurvegi.
F. Vetrarþjónusta er ekki nógu góð á Suðurstrandarvegi. Vantar meiri tíðni snjómoksturs. Dugir ekki að moka 1-2 í viku.
G. Þarf að laga Nesveg, hann er bæði hlykkjóttur og mis hæðóttur og farinn að láta á sjá. Miklir þungaflutningar eru á veginum, meira en hann er hannaður fyrir.
H. Þarf nauðsynlega að malbika Sjávarbraut, vegaslóðann frá Nesvegi að Garðvegur.
I. Innkoman í bæinn er hættuleg, eins og hlykkurinn þegar ekið er framhjá eyjum.
J. Klára þarf göngu- og hjólreiðastíg meðfram Grinda-víkurvegi að Reykjanesbraut. Gríðarlega mikilvægt að auka umferðaröryggi á Grindavíkurvegi með þessum hætti. Búið að leggja fyrir Vegagerðina að gera í 4 áföngum, til ársins 2016.
1.2 Umferðaröryggi í Grindavíkurbæ
A. Bílaplön við Víkurbraut 60 og 62 og svo íþróttasvæði; vantar að skilgreina svæðin og tengja þau saman m.t.t.
gangandi vegfarenda. Myndast oft mikil umferð við bílaplanið hjá Nettó. Þarf að athuga gatnamótin við Nettó.
B. Þarf að marka framtíðarstefnu fyrir 30 km hverfi í bænum.
C. Ökumenn eru að stytta sér leið öfugu megin í hringtorgum við Hópsbraut.
D. Þarf að skilgreina betur þegar bílar koma út á Ránargötu frá planinu milli Miðgarðs og Seljabót. Er í vinnslu í deiliskipulagi fyrir hafnarsvæðið.
E. Merkingar/skilti: Er verulega ábótavant. Lagfæra þarf og skipuleggja aðalbrautarmerki samkvæmt umferðarlögum. Mjög mikilvægt að taka þennan málaflokk í gegn út um allan bæ. Snýr bæði að Grindavíkurbæ og Vegagerðinni.
Laut: Lagfæra bílastæði, töluverð slysahætta vegna þrengsla.
1.3 Verkefni sem eru líkleg til að draga úr samfélagslegum kostnaði
A. Búa þarf til reiðleiðir fyrir hestamenn þannig að þeir geta riðið í hring í kringum bæinn. Vantar reiðleið meðfram Nesvegi og tengja þaðan niður í Bót.
B. Nesvegur er mikið notaður af göngu- og hjólreiðafólki. Er varasamur vegur því hraðakstur er mikill. Vantar sárlega göngu- og hjólreiðastíg meðfram Nesvegi til að tengja niður í Bót og búa til góðan gönguhring í kringum bæinn.
C. Athuga þarf niðurfellingar við Austurveg niður á nýlagðan göngustíg, erfitt fyrir fólk með barnavagna sem kemur niður Hópsbraut að fara beint niður á göngustíginn.
D. Vantar að búa til gangbraut frá Hópsbraut að Suðurhópi en sá hluti er mikið genginn og skokkaður.
E. Athuga þarf betur göngustíga í Hópshverfi og skipulag á þeim. Vantar betri heildarmynd.
F. Búa þarf til almennilegan göngustíg frá Vesturbraut 8 og að leikskólanum Laut. Þar er mikið gengið en enginn
formlegur stígur.
1.4 Smærri verkefni sem eru þó mikilvæg fyrir íbúa sveitarfélagsins
A. Meira samráð við íbúa, sérstaklega við einstakar götur þegar verið er að breyta götumynd.
B. Athuga þarf flóttaleiðir úr bænum þegar náttúruhamfarir verða. Í vinnslu í tengslum við gerð rýmingaráætlunar fyrir Suðurnesin.
C. Athuga þarf þegar stórir flutningabílar sem keyra upp Verbrautina og beygja inn á Vesturbrautina eða fara veginn niður í Bót. Þarf að koma í veg fyrir þetta því íbúar kvarta yfir að húsin þeirra nötri þegar trukkarnir keyra fram hjá.
D. Gatnamót Víkurbrautar, Heiðarhrauns og Ránargötu; til stendur að færa þau austar og slíta Víkurbraut í sundur til þess að skapa tengingu frá miðbænum niður á höfn. Unnið að nýju miðbæjarskipulagi.
E. Auglýsingaskilti: Koma þarf á samræmdri reglugerð fyrir auglýsingaskilti í Grindavíkurbæ eins og þekkist víða annars staðar.
F. Athuga þarf með hraðaakstur og mæla götur reglulega þar sem kvartað er yfir hraðakstri. Eins og t.d. Túngata, Vigdísarvellir og Gerðavellir.
G. Þarf að endurskoða umferðarmerki í bænum, aðalbraut - aðalbraut endar o.s.frv.
H. Vantar að fyrirbyggja það að bílar séu að stytta sér leið í gegnum bílaplanið hjá Aðal-braut.
I. Þrengingar við Leynisbraut/Heiðahraun; gæti verið að ökumenn gefi í til þess að ná inn í þrenginguna á undan hinum.
J. Reka áróður fyrir endurskini í Grindavík en krakkar hér eru ekki nógu duglegir að bera þau.
K. Huga þarf að lýsingu á göngustígum að Hópsskóla sem er ekki nógu góð.