Mikil útlánaaukning á nýju bókasafni

  • Bókasafnsfréttir
  • 30. desember 2014
Mikil útlánaaukning á nýju bókasafni

Nýtt sameinað skóla- og almenningsbókasafn í Iðunni við Ásabraut hefur starfað frá því um miðjan ágúst. Starfsfólkið saknar ennþá nokkurra lestrarhesta, sem komu oft, en virðast ekki rata hingað á Ásabrautina. Vonandi fara þeir að sjást aftur fljótlega, því hér er bjart og vítt til veggja og bækurnar sjást vel og njóta sín mun betur. Við höfum líka fengið nýja lánþega, sem láta vel af nýja staðnum og er það afar gleðilegt.  

Það er líka gleðilegt hve nemendur grunnskólans eru dugleg að taka bækur að láni og lesa - þau hafa svo sannarlega aukið útlánin til muna. Við skoðuðum tölfræðina og tókum útlánatölur fyrir október á síðasta ári og svo aftur á þessu ári til samanburðar og má sjá niðurstöðurnar í rammanum hér fyrir neðan.

Þess má geta að breytingar verða á starfsliði Bókasafnsins. Guðrún Erla Hákonardóttir lætur af störfum um áramót og við hennar starfi tekur Viktoría Róbertsdóttir grunnskólakennari.

Útlán á bókasafni Grindavíkur

  Október 2013  Október 2014
Bókasafn Grindavíkur 1.146   
Skólasafnið     849  
Samtals bæði söfnin  1.995 3.502


Góð gjöf Lions til bókasafnsins 

Mörg okkar hafa verið svo heppin að kynnast bókum og bóklestri frá unga aldri og njótum þess að lesa mest allt lífið. Bókasafnið, Lionsklúbburinn og Heilsugæslan gengu í lið saman í haust til að hvetja foreldra til að lesa með og fyrir börnin. 

Lionsklúbburinn lagði fram fé til að kaupa bækur. Heilsugæslan sér um að öll börn, sem mæta í tveggja og hálfsárs skoðun, fái gjafabréf frá bókasafninu, þar sem verkefnið er kynnt. Foreldrarnir koma á bókasafnið með barninu og leyfa því að velja bók úr ákveðnum bókaflokki, fyrir ung börn.

Öll vonumst við svo eftir því að foreldrarnir lesi bókina fyrir börnin sín og að þau verði síðar vel læs, víðsýn og gangi vel í lífinu. Það er afar mikilvægt að lesa fyrir börn, og best að byrja strax á fyrsta ári. Þetta verkefni er unnið í tengslum við lestarstefnu Grindavíkurbæjar.

Mynd: Hörður Jónsson formaður Lions og Margrét Gísladóttir forstöðumaður bókasafnsins við afhendinguna.

Deildu ţessari frétt

AĐRAR FRÉTTIR

Fréttir frá Tónlistarskólanum / 23. febrúar 2018

Dagur tónlistarskólanna 2018 á morgun, laugardag

Fréttir / 23. febrúar 2018

Atvinna - Fagstjóri í hreyfisal Lautar

Fréttir / 23. febrúar 2018

Kútmagakvöld Lions föstudaginn 9. mars.

Fréttir / 21. febrúar 2018

Sumarstörf hjá Grindavíkurbć sumariđ 2018

Grunnskólinn / 19. febrúar 2018

Öskudagsfjör í Hópsskóla

Grunnskólinn / 19. febrúar 2018

Útgáfuveisla í 2. bekk

Grunnskólinn / 16. febrúar 2018

Dagur stćrđfrćđinnar í Grunnskóla Grindavíkur

Laut / 15. febrúar 2018

112 dagurinn á Laut

UMFG / 15. febrúar 2018

Juanma áfram í Grindavík

Grunnskólinn / 14. febrúar 2018

Líflegur öskudagur í Grunnskóla Grindavíkur

Fréttir / 14. febrúar 2018

Ný vefsíđa Grindavíkurbćjar í loftiđ

Fréttir / 14. febrúar 2018

Matseđill nćstu viku í Víđihlíđ