Viđ erum komin í flugeldastuđ!

  • Fréttir
  • 29. desember 14

Okkar fólk hefur unnið hörðum höndum að því um jólin að koma flugeldasölunni í gang og í gær opnuðum við glæsilegan flugeldamarkað í björgunarsveitarhúsinu að Seljabót 10 í Grindavík! Við ætlum að sjálfsögðu að vera með leik í gangi á Facebook og í raun ætlum við að gera aðeins betur og vera með tvo leiki, af því að við erum í stuði.  

Þeir sem taka þátt í leiknum fara sjálfkrafa í pott og geta átt möguleika á að vinna Trölla, sem er stærsti fjölskyldupakkinn sem við seljum. Dregið verður þann 30. des. Facebooksíðan er hér (smelltu).

Þeir sem að líka við síðuna okkar á facebook fara einnig í pott og geta átt möguleika á að vinna glæsilegan flugeldapakka að verðmæti 50 þúsund krónur. Dregið verður þann 31. des.

Núna er bara um að gera að líka við og deila þessu öllu saman en fyrst og fremst stefna á slysalaus og gleðileg áramót! Hlökkum til að sjá ykkur

Opnunartími flugeldasölunnar er sem hér segir:
28. des frá 12:00 til 22:00
29. des frá 12:00 til 22:00
30. des frá 12:00 til 22:00
31. des frá 10:00 til 16:00
6. jan frá 13:00 til 18:00

Kveðja
Félagar í björgunarsveitinni Þorbirni.

Deildu ţessari frétt