Selsvellir 14 eru Jólahús Grindavíkur 2014 en þar búa Ómar Enoksson og Klara Bjarnadóttir. Að mati dómnefndar heimasíðu Grindavíkurbæjar er húsið og garðurinn smekklega skreytt og skreytingar í stórum gluggum í stofunni falla vel inn í umhverfið. HS Orka og HS veitur gefa verðlaun fyrir Jólahús Grindavíkur 2014 sem er inngreiðsla á orkunotkun.
Auglýst var eftir tilnefningum og var það samdóma álit nefndarinnar að Selsvellir 14 bæru af að þessu sinni. Almennt má segja um jólaskreytingar í Grindavík að þær séu frekar hófstilltar en margar hverjar ákaflega smekklegar. Hins vegar eru Grindvíkingar hvattir til þess að skreyta húsin sín og garða meira í framtíðinni.