Ár 2012, þriðjudaginn 7. febrúar var haldinn 3. fundur ungmennaráðs Grindavíkur. Fundurinn var haldinn í félagsmiðstöðinni Þrumunni og hófst kl. 20:00. 

Mættir:
Aðalmenn: Sigurbjörg Vignisdóttir, Katla Marín Þormarsdóttir, Unnar Hjálmarsson, Nökkvi Harðarson, og Reynir Berg Jónsson.
Kristín M. Ívarsdóttir og Rósa Sveinsdóttir boðuðu forföll..
Jafnframt sat fundinn Kristinn J. Reimarsson sviðsstjóri frístunda- og menningarsviðs sem ritaði fundargerð.

Dagskrá:

1) Menningarvika - hugmyndir. Ræddar voru hugmyndir að dagskráratriðum. Ungmennaráð tekur vel í þá hugmynd að starfrækja útvarp Grindavíkur einhverja daga.

2) Starfsáætlun Þrumunnar. Ungmennaráð telur áætlunina vera gott plagg og hvetur forstöðumann og starfsmenn til fylgja áætluninni eftir. Jafnframt leggur ungmennaráð til að skoðað verði fyrir næsta haust hvort ekki verði hægt að vera með opnun fyrir 16 - 18 ára.

3) Stefnumótunarvinna Grindavíkurkirkju. Lagt fram til kynningar.

4) Staðsetning félagsmiðstöðvar til framtíðar - kostir og gallar

Kynnt var þarfagreining sem unnin var fyrir félagsmiðstöðina. Að mati ungmennaráðs eru kostir þess að hafa félagsmiðstöðina í tengslum við skólann mun fleiri en gallarnir. Góðir samnýtingar möguleikar um húsnæði eru í stöðunni og sparnaður töluverður á móti því að farið verði í það að byggja nýja félagsmiðstöð á öðrum stað.

5) Ungmennahús - framtíð. Næst komandi föstudag verður haldin fundur ungmennahúsa á Akureyri. Sviðsstjóri frístunda-og menningarsviðs mun sækja fundinn. Ungmennaráð leggur til að Reynir Berg fái jafnframt að fara sem fulltrúi Grindavíkur. Til vara: Sigurbjörg Vignisdóttir.

Fleira ekki rætt og fundi slitið kl. 21:15.

Sigurbjörg Vignisdóttir
Katla Marín Þormarsdóttir
Unnar Hjálmarsson
Nökkvi Harðarson
Reynir Berg Jónsson.

• Síðast uppfært: 15. desember 2014