Kaffihúsið Bryggjan sýnir kvikmyndina Sölku Völku fimmtudagskvöldið 4. desember kl. 21:00. Um samvinnuverkefni Sögu- og minjafélags Grindavíkur, Grindavíkurbæjar og Bryggjunnar er að ræða, en Salka Valka fagnar 60 ára frumsýningarafmæli þetta kvöld.
Salka Valka er kvikmynd byggð á samnefndu skáldverki íslenska nóbelsskáldsins Halldórs Laxness. Myndin fjallar um lífsbaráttuna í íslensku sjávarplássi, þar sem lífið er saltfiskur. Kvikmyndin var að hluta til tekin upp í Grindavík.