Hin árlega spurningarkeppni Grunnskóla Grindavíkur hjá elsta stigi er hafin. Í síðustu viku kepptu 8.ÞA við 7.U og 9.V við 7.E. Skemmst er frá að segja að báðir sjöundu bekkirnir unnu sínar viðureignir.
Í morgun fór síðan fram þriðja umferðin í liðakeppninni þegar báðir 10. bekkirnir öttu kappi saman. Baráttan var æsispennandi og sigraði 10. L að lokum með tveggja stiga mun. Á föstudaginn keppir síðan 8. P við 9. VR og kemur þá í ljós hvaða bekkir munu taka þátt í fjögurra liða undanúrslitunum sem verða í janúar.