Sveinbjörn vekur athygli í Danmörku

• Fréttir
• 27. janúar 2009

Grindvíkingurinn Sveinbjörn Sigurðsson, sem flutti til Óðinsvé í Danmörku fyrir átta árum ásamt fjölskyldu sinni, er í viðtali við danska fagtímaritið ABB Connect um stórt og mikið verkefni sem hann vann fyrir verkfræði- og ráðgjafafyrirtækið Cowi. Sveinbjörn lærði rafmagnstæknifræði í Danmörku. Fyrir rúmu ári síðan fékk Cowi það verkefni að hanna 33 þúsund fermetra húsnæðið fyrir sláturhús í bænum Blans sem hafði brunnið til kaldra kola.

Það kom í hlut Sveinbjörn að hanna allt rafkerfið í sláturhúsið ásamt því að hanna allan stýribúnað fyrir vélbúnað sláturhússins sem er engin smá smíði. Í viðtalinu kemur fram að verksmiðjan slátrar 57.000 svínum á viku. Miklar öryggiskröfur eru gerðar og tókst verkið í alla staði vel. Þar voru farnar nýjar leiðir í hönnun á rafmagni fyrir sláturhúsið sem býður upp á ýmsa nýja möguleika.

• Síðast uppfært: 27. janúar 2009