Súpufundur Kvenfélagsins verður í kvöld mánudaginn 10. nóvember klukkan 19:30 í Verkalýðshúsinu.
Borghildur Sverrisdóttir mun kynna og lesa upp úr nýútkominni bók sinni, Hamingjan eflir heilsuna, en bók hennar byggir á rannsóknum jákvæðrar sálfræði og fjallar um hvernig viðhorf okkar, hugarfar og tilfinningar hafa áhrif á allt líf okkar, þar á meðal heilsu. Bókin er hugsuð sem handbók, en hún inniheldur margar æfingar og verkefni sem hjálpa okkur að nýta eigin styrkleika og auka jákvæðni í lífi okkar sem auðvelda okkur meðal annars að takast á við lífsstílsbreytingar og önnur krefjandi verkefni ásamt því að öðlast hamingjuríkara líf.
Gestir velkomnir