Varst þú einu sinni unglingur? Þá ertu velkomin(n) í Þrumuna næsta miðvikudag

• Fréttir frá Þrumunni
• 30. október 2014

Miðvikudaginn 5. nóvember standa Samfés, samtök félagsmiðstöðva á Íslandi, fyrir félagsmiðstöðvadeginum. Markmið félagsmiðstöðvadagsins er að gefa áhugasömum færi á að heimsækja félagsmiðstöðina í sínu nágrenni eða bæjarfélagi, kynnast því sem þar fer fram, unglingunum og þeim viðfangsefnum sem þeir fást við með stuðningi starfsfólks félagsmiðstöðvanna. Félagsmiðstöðin Þruman, sem nú hefur aðsetur í Grunnskóla Grindavíkur, verður opin næsta miðvikudag frá kl. 19-22 fyrir foreldra, forráðamenn, fyrrverandi unglinga, pólitíkusa, embættismenn og allt áhugasmt fólk um málefni unglinga.

Köku- og kakóveisla verður til styrktar fjölmiðla- og ævintýraklúbbunum í Þrumunni.

• Síðast uppfært: 30. október 2014