Myndir frá síðustu sögugöngu - um rústirnar í Þórkötlustaðanesi

• Fréttir
• 29. september 2014

Fjórða söguganga haustsins fór fram síðastliðinn laugardag, en þessar gönguferðir eru samvinnuverkefni Grindavíkurbæjar og Minja- og sögufélags Grindavíkur. Að þessu sinni var gengið um hinar fornu verbúðarrústir í Þórkötlustaðanesi.

Leiðsögumaður í þessari göngu var Pétur Guðjónsson sem er fæddur þarna og uppalinn og þekkir svæðið eins og lófann á sér. Ágæt mæting var í gönguna þrátt fyrir slæma veðurspá en það rættist heldur betur úr veðrinu og var gengið um svæðið í fallegri haustblíðu. Skipuleggjendur töldu um 20 manns í göngunni þegar mest var. Eftir gönguna bauð Minja- og sögufélagið svo uppá kaffisopa á efri hæðinni í Kvennó.

Göngufólk virðir fyrir sér gamalt spil.

Sannkallaður kvennafans var í göngunni.

.

Eftir gönguna var boðið uppá kaffi í Kvennó, en þar hefur Minja- og sögufélagið fengið aðstöðu til félagsstarfs.

• Síðast uppfært: 29. september 2014