Grindavíkurbásinn á Íslensku sjávarúvegssýningunni sem haldin er í Kópavogi þessa dagana var í kvöld verðlaunaður sem besti hóp- og landsvæðisbásinn á sýningunni. Þetta er mikil viðurkenning fyrir Grindavíkurhöfn og þau þjónustufyrirtæki sem standa saman að básnum. Sýningin opnaði í dag og var mikil aðsókn að Grindavíkurbásnum.
Þetta er í fyrsta skipti sem Grindavík tekur þátt í Íslensku sjávarúvegssýningunni með sameiginlegan bás.
Ellefu aðilar eru á básnum sem er stór og glæsilegur þar sem kynnt er framsækin hafnarstarfsemi í Grindavíkurhöfn og þjónustu við fiskiskip í fremstu röð. Kynningarbækling um fyrirtækin sem eru á Grindavíkurbásnum má lesa hér (PDF).
Dagskráin á básnum:
Föstudagur kl. 13:00 - Matur og léttar veitingar. Sushi og annað góðgæti frá Bláa Lóninu. Landsliðskokkar Bláa Lónsins notast við hráefni frá Grindavík við matseldina.
Laugardagur kl. 13:00 - Matur og léttar veitingar. Sushi og annað góðgæti frá Bláa Lóninu. Landsliðskokkar Bláa Lónsins notast við hráefni frá Grindavík við matseldina.
Sýningin er opin föstudag og laugardag frá kl. 10-16. Grindvíkingar eru hvattir til þess að kynna sér básinn.
Verðlaunagripurinn sem Grindavíkurbásinn fékk sem besti hóp- og landsvæðabásinn á sýningunni.
Veiðarfæragerðin og Fiskmarkaður Suðurnesja eru á Grindavíkurbásnum.
HP gámar eru þátttakendur í básnum.
Grindavíkurbásinn fer ekki fram hjá nokkrum manni sem er á svæðinu.
Vélsmiðja Grindavíkur er þarna í öllu sínu veldi.
TG raf býður upp á úrvals þjónustu.
Fisktækniskóli Íslands er einnig á básnum.
Voot beita tjaldar öllu til á básnum.
Codland er einnig hluti af Grindavíkurverðlaunabásnum.
Landsliðskokkar Bláa Lónsins bjóða upp á suhsi og saltfisk á básnum sem hefur slegið í gegn á sýningunni. Hráefnið er að sjálfsögðu úr Grindavík.
Fulltrúar þeirra sem tóku við viðurkenningum fyrir flottustu básana. Pétur í Vélsmiðju Grindavíkur er aftast fyrir miðju á myndinni en hann tók við viðurkenningunni fyrir hönd Grindavíkurbásins.
Forsíða kynningarbæklingsins. Honum verður dreift í öll fiskiskip á Íslandi.