Nýr og endurbćttur Hrafn Sveinbjarnarson kominn til heimahafnar
Nýr og endurbćttur Hrafn Sveinbjarnarson kominn til heimahafnar

Eftir sumarlanga dvöl í skipasmíðastöð í Stettin í Póllandi er Hrafn Sveinbjarnarson GK 255 kominn til heimahafnar í Grindavík. Það eru engar ýkjur að segja að Hrafninn sé nánast eins og nýtt skip enda er hann gjörbreyttur eftir lengingu og endurbætur.

Má í raun segja að nú sé Hrafninn eins og hann hafi alltaf átt að vera. Þegar skipið var smíðað á sínum tíma var búið að teikna það 57 metra að lengd, en fyrri eigendur áttu ekki næga úreldingu eins og það var kallað og því þurfti að stytta hann. Í samtali við kvótinn.is sagði Hilmar Helgason skipstjóri að hann væri í raun búinn að vera að bíða eftir þessum breytingum í 20 ár. Þrátt fyrir styttingu við smíðar hafi ekkert verið bakkað með vélarafl og togkraft og nú sé loksins hægt að nýta það afl sem skipið býr yfir af fullum krafti.

Alls var skipið lengt um 15,4 metra og munar um minna. Sú aðgerð fór þannig fram skipið var hlutað í sundur rétt fyrir aftan brúna og svo var 150 tonna forsniðið stálstykki hýft í gatið. Síðan var allt skipið tekið í gegn frá A-Ö. Hreinsað var innan úr millidekki og lest og allt sandblásið og víða gamlir og slitnir partar rifnir burt. Alls fóru um 90 tonn af stáli í skipið til viðbótar, svo að alls var verið að vinna með um 240 tonn af stáli í þessari miklu aðgerð. Plássið í lestinni tvöfaldast við breytingarnar, fer úr 240 tonnum af flökum í 480 tonn og þá hefur frystigetan verið aukin í samræmi við þessar breytingar.

Borðsalurinn er nýr að hluta og bættist m.a. við kalt borð fyrir áhöfnina, enda verða menn að hugsa um hollustuna þegar þeir vinna erfiðisvinnu alla daga.

Við þessar miklu breytingar batnar öll aðstaða fyrir áhöfn umtalsvert, bæði til vinnu og hvíldar. Við bætist ný setustofa, tveir klefar og tvær stórar og vel rúmar stakkageymslur, ein fyrir efra dekk og önnur fyrir vinnsluna. Hilmar bætti svo við: „Allt ryð var upprætt í gamla hlutanum svo okkur líður svolítið eins og við séum að koma heim með nýsmíði að mörgu leyti. Skipið er í flokkun hjá Norsk Veritas og þeir sköffuðu eftirlitsmann allan tímann sem var mjög harður og gaf engan afslátt á einu eða neinu."

Hrafninn er þó ekki tilbúinn til veiða. Nú tekur við um fimm vikna vinna við að púsla saman vinnslubúnaðnum og koma honum fyrir um borð. Var tekin meðvituð ákvörðun um að sú vinna færi fram hér heima til þess að nýta íslenskt og grindvískt vinnuafl og þekkingu. Hrafninn liggur nú við bryggju við Suðurgarð en þangað flutti Þorbjörn nýlega löndunaraðstöðu sína fyrir frystitogara og í spilunum eru stór áform um glæsta uppbyggingu á reitnum þar sem beinamjölsverksmiðjan stóð áður. Af þessum flutningum skapast umtalsverð hagræðing og ófáir kílómetrar í akstri enda öll þjónusta við skipin nú nánast í kallfæri frá bryggjunni.

Sigurður Jónsson, 1. stýrimaður, sýndi fulltrúum bæjarins hið ,,nýja" skip og voru þeir félagar kampakátir með breytingarnar. Til stendur að opna skipið fyrir almenningi þegar allri vinnu er lokið.

 

Nýlegar fréttir

fös. 17. nóv. 2017    Nágrannaslagur í Ljónagryfjunni í kvöld kl. 20:00
fös. 17. nóv. 2017    Jólabingó Kvenfélagsins á sunnudaginn
fös. 17. nóv. 2017    Dagur íslenskrar tungu
fös. 17. nóv. 2017    Dagur Kár í viđtali hjá Víkurfréttum
fös. 17. nóv. 2017    Nemendur tónlistarskólans heimsóttu Hópsskóla
fös. 17. nóv. 2017    Lionsklúbbur Grindavíkur býđur uppá fríar blóđsykursmćlingar í dag
fim. 16. nóv. 2017    Fundur í skólaráđi
fim. 16. nóv. 2017    Björn Lúkas í úrslit
fim. 16. nóv. 2017    Gjafir til tónlistarskólans: Ţegar draumarnir rćtast - Saga Kammersveitar Reykjavíkur
fim. 16. nóv. 2017    Framkvćmdum viđ Víđihlíđ miđar vel
miđ. 15. nóv. 2017    Grindavíkurbćr undirbýr ţátttöku í verkefninu Heilsueflandi samfélag
miđ. 15. nóv. 2017    Fjörugur föstudagur - Handverksmarkađur í Kvikunni
miđ. 15. nóv. 2017    Íbúafundur um fjárhagsáćtlun í dag kl. 17:30
miđ. 15. nóv. 2017    Matseđill nćstu viku í Víđihlíđ
miđ. 15. nóv. 2017    Verndaráćtlun í byggđ - Íbúafundur í dag
ţri. 14. nóv. 2017    Northern Light Inn og Norđurljósin í Sjónvarpi Víkurfrétta
ţri. 14. nóv. 2017    Ungmennaráđ fundađi međ bćjarstjórninni
ţri. 14. nóv. 2017    Söngskóli Emilíu kemur til Grindavíkur
ţri. 14. nóv. 2017    Vel heppnuđ afmćlishátíđ Guđbergs í Kvikunni
ţri. 14. nóv. 2017    Jón Axel leikmađur vikunnar í háskólaboltanum
ţri. 14. nóv. 2017    Matseđill vikunnar í Víđihlíđ
ţri. 14. nóv. 2017    Spurningakeppnirnar komnar af stađ
mán. 13. nóv. 2017    Bjartur Logi kvaddur í Kvenfélagsmessu
mán. 13. nóv. 2017    Villibráđakvöld á Fish House 17. nóvember
mán. 13. nóv. 2017    Ray Anthony og Nihad Hasecid ţjálfa kvennaliđ Grindavíkur
Grindavík.is fótur