Nýr bátur í flotann

• Fréttir
• 15. janúar 2009

Ólafur Sigurpálsson hjá ÓS fiskverkun í Grindavík, er farinn út í útgerð. Í haust festi hann kaup á 60 tonna dragnóta- og netabáti, Sigurpáli GK 36. Að sögn Ólafs hefur hann ráðið fjögurra manna áhöfn og verður haldið til veiða á næstu dögum.

,,Auðvitað þýðir ekkert annað en að vera bjartsýnn, annars væri ég ekki að þessu," sagði Ólafur sem bendir á að hann sé að skapa fjórum fjölskyldum í Grindavík lífsviðurværi en allir sjómennirnir eru skráðir með lögheimili í Grindavík.

Ólafur hefur leigt kvóta fyrir fyrir Sigurpál GK 36 sem er smíðaður í Noregi 1987 en keyptur til Íslands 1991. Að sögn Ólafs fer stærsti hluti aflans í fiskverkunina sem hann rekur í Staðarsundi.

• Síðast uppfært: 15. janúar 2009