Lionsklúbbur Grindavíkur hefur tekið reit í fóstur rétt vestan við Grindavík og gróðursett þar tré undanfarin ár. Félagið fékk nýlega 200.000 króna styrk fyrir verkefnið frá Pokasjóði og í gær var komið að því að planta trjám.
Margar hendur vinna létt verk og nokkrir Lions menn ásamt mökum og afkomendum voru ekki lengi að koma þessum trjám vandlega fyrir í jörðu.
Skorar Lionsklúbbur Grindavíkur á önnur félög í Grindavík að fylgja þeirra fordæmi og taka sambærilega reiti í kringum bæinn í fóstur.
Margar hendur vinna létt verk
Hvað ungur nemur, gamall temur
Tré sem sett voru niður fyrir nokkrum árum hafa tekið vel við sér, en skógrækt er víst langhlaup, ekki sprettur
Vanir menn, vönduð vinnubrögð
Menn keyrðu mold og skít yfir holt og hæðir
Einar Bjarnason reynir að ná sambandi við Ólaf Sigurðsson, stórbónda. Þá þýðir ekkert annað en að hrópa hátt