Blue Lagoon Challenge 2014 - fjallahjólakeppni

• Fréttir
• 3. júní 2014

Blue Lagoon Challenge fjallahjólakeppnin verður haldin í átjánda sinn þann 7. júní 2014. Ræst í Hafnarfirði kl.16:00. Hjólað verður frá Ásvallalaug í Hafnarfirði og að Bláa Lóninu. Leiðin er 60 km í heild og ert er ráð fyrir að keppendur fari um Grindavík á bilinu 16:45-18:15 og eru ökumenn og aðrir vegfarendur beðnir um að sýna sérstaklega mikla aðgát og tillitsemi á meðan þessu stendur.

Keppnin nýtur mikilla vinsælda og stefnir í metþátttöku í ár. Búast má við að um 600 keppendur renni í gegnum Grindavík þennan dag. Keppninni lýkur svo í Bláa Lóninu þar sem verðlaunaafhending fer fram. Þátttakendum er boðið í Bláa Lónið að keppni lokinni.

Á kortinu hér fyrir neðan má sjá leiðina sem hjóluð verður í gegnum bæinn og hvar sérstök vöktun verður á umferð. Heimasíðu keppninnar má finna hér: http://www.bluelagoonchallenge.com/index.html

• Síðast uppfært: 3. júní 2014