Í tilefni 40 ár kaupstaðarafmælis Grindavíkurbæjar verður sérstaklega mikið lagt í dagskrá Sjóarans síkáta í ár, bæjarhátíð Grindvíkinga, sem verður 30. maí til 1. júní nk. Þar verður rjóminn af bestu skemmtikröftum landsins alla sjómannadagshelgina og dagskráin er metnaðarfull og fyrir alla aldurshópa. Í tilefni afmælisins hefur Grindavíkurbær, í samvinnu við Víkurfréttir, gefið út glæsilegt 48 síðna kynningar- og afmælisblað í 30 þúsund eintökum sem dreift verður í öll hús á Reykjanesi og víða á suð-vestur horninu í vikunni.
Í kynningar- og afmælisblaðinu er ítarleg umfjöllun um menn og málefni, kynningu á fyrirtækjum, þjónustuaðilum, starfsemi bæjarins og stórskemmtilegu mannlífi Grindvíkinga sem eru landsfrægir fyrir lífsgleði sína. Þar er jafnframt að finna dagskrá Sjóarans síkáta 2014.
Ritstjóri blaðsins er Þorsteinn Gunnarsson, sviðsstjóri frístunda- og menningarsviðs. Blaðamaður Olga Björt Þórðardóttir á Víkurfréttum.
Afmælis- og kynningarblað Grindavíkur 2014 má sjá hér (11 MB í PDF).