Grindavík stendur með sínu fólki

• Fréttir
• 29. desember 2008

Ákvörðun Grindavíkurbæjar um að lækka matarkostnað grunnskólabarna, gera tónlistarnám gjaldfrjálst frá næsta hausti og að hækka ekki útsvar og gjaldskrá, hefur vakið athygli.

Í Fréttablaðinu í dag er fjallað um þetta með þeim orðum að bærinn standi með sínu fólki. Rætt er við Jónu Kristínu Þorvaldsdóttur, bæjarstjóra, en fyrirsögnin á fréttinni er: Lækkar matarkostnað barna.

Þá er einnig gerður samanburður á matarkostnaði skólabarna í nokkrum bæjarfélögum í Morgunblaðinu í dag en þar kemur Grindavík best út og er með lægstu gjaldskrána. Einnig var fjallað um aðgerðir Grindavíkurbæjar á mbl.is á öðrum degi jóla en fréttina má sjá á þessari slóð: http://mbl.is/mm/frettir/innlent/2008/12/26/ekkert_haekkar_i_grindavik/

• Síðast uppfært: 29. desember 2008