Skólaráð sett á laggirnar

• Fréttir
• 30. desember 2008

Svokallað Skólaráð Grunnskóla Grindavíkur hefur verið sett á laggirnar en það starfar í samræmi við lög um grunnskóla nr. 91/2008.

Hlutverk skólaráðs er að vera samráðsvettvangur skólastjóra og skólasamfélagsins um skólahald viðkomandi skóla.

Verkefni skólaráðs eru eftirfarandi:
- Taka þátt í stefnumörkun fyrir skólann og mótun sérkenna hans.
- Fjalla um skólanámskrá skólans, árlega starfsáætlun, rekstraráætlun og aðrar áætlanir um skólastarfið.
- Veita umsagnir um áætlanir um fyrirhugaðar meiri háttar breytingar á skólahaldi og starfsemi skóla áður en endanlega ákvörðun um þær er tekin.
- Fylgjast almennt með öryggi, aðbúnaði og almennri velferð nemenda.

Í skólaráði Grunnskóla Grindavíkur sitja: Fulltrúar nemenda eru Sara Hrund Helgadóttir og Bjarni Þórarinn Hallfreðarson. Fulltrúar foreldra eru Halla Svansdóttir og Þorsteinn Gunnarsson. Fulltrúar kennara eru Svava Agnarsdóttir og Valdís Kristinsdóttir. Fulltrúi annarra starfsmanna er Fanney Pétursdóttir. Páll Leó Jónsson, skólastjóri situr jafnframt í ráðinu og stýrir starfi þess. Níundi fulltrúinn kemur úr röðum foreldra.

• Síðast uppfært: 30. desember 2008