Hafin er smíði á nýrri heimasíðu fyrir Grindavíkurbæ. Áætlað er að hún verði opnuð í lok febrúar. Sigurpáll Jóhannsson sér um hönnun síðunnar en Þorsteinn Gunnarsson um ritstjórn. Gamla síðan hefur þarfnast endurbóta og var ákveðið að ráðast í smíði á nýrri síðu alveg frá grunni.

Hér er um umfangsmikið verkefni að ræða enda mikilvægur hluti af þjónustu bæjarins að hafa öfluga upplýsingagátt fyrir bæjarbúa sem og alla landsmenn. Auk almennra og gagnvirkra upplýsinga verður einnig að finna fréttatengt efni.

Þangað til nýja heimasíðan verður tekin í gagnið verður sú breyting á gömlu heimasíðunni að Þorsteinn mun taka að sér að ritstjórn hennar héðan í frá. Þeir sem vilja koma upplýsingum og/eða fréttum á framfæri við heimasíðuna eru beðnir um að senda allt efni á heimasidan@grindavik.is.