Hugmyndasmiðja vegna upphafs skipulagsvinnu fyrir nýtt deiliskipulag Miðbæ - hafnarsvæði var haldin þann 29. mars í Kvikunni. Þátttaka var ágæt en 24 mættu og var þeim skipt niður á fjögur borð þar sem að þeim var gefið það verkefni að svara fjórum spurningum. Tilgangur hugmyndasmiðjunnar var að fá fram sýn bæjarbúa á hafnarsvæðinu eins og það er í dag og eins og þeir vilja sjá það í framtíðinni.
EFLA verkfræðistofa sá um að stjórna hugmyndasmiðjunni og úrvinnslu eftir á. Niðurstaða hugmyndasmiðjunnar var svo sett saman í skýrslu af EFLU sem mun nýtast við vinnslu skipulagsins. Skýslan hefur verið kynnt í Umhverfis- og skipulagsnefnd Grindavíkurbæjar og er nú gerð aðgengilega fyrir almenning á heimasíðu Grindavíkurbæjar. Skýrsluna má finna hér að neðan.
Grindavíkurbær og EFLA verkfræðistofa vill þakka þátttakendum fyrir komuna og fyrir uppbyggilegar og góðar umræður.