Tóku ţátt í ráđstefnunni Ungt fólk og lýđrćđi á Ísafirđi
Tóku ţátt í ráđstefnunni Ungt fólk og lýđrćđi á Ísafirđi

Dagana 9.-11. apríl sl. var ráðstefnan Ungt fólk og lýðræði haldin í fimmta sinn og nú á Ísafirði. Þema ráðstefnunnar að þessu sinni var „stjórnsýslan og við - áhrif ungs fólks á stjórnsýsluna". Þrír fulltrúar úr Ungmennaráði Grindavíkurbæjar sóttu ráðstefnuna ásamt starfsmanni Þrumunnar. Elsa Katrín Eiríksdóttir, Katrín Lóa Sigurðardóttir og Þórveig Hulda Frímannsdóttir voru fulltrúar Ungmennaráðsins og Birgitta Rán Friðfinnsdóttir starfsmaður Þrumunnar.

Þema ráðstefnunnar er mikilvæg ungu fólki sem mörg hver eru að ganga til kosninga í vor í fyrsta skipti. Ungmennafélag Íslands hefur ávallt lagt áherslu á lýðræðislega þátttöku ungs fólks og hefur ráðstefnan ávallt vakið mikla lukku meðal þátttakenda. Að þessu sinni sóttu sjötíu einstaklingar ráðstefnuna, bæði ungmenni sem starfa í ungmennaráðum víðsvegar um landið og starfsmenn sem sjá um málefni ungmenna í sínu sveitafélagi. 

Ungmennaráð UMFÍ hafði veg og vanda af ráðstefnunni sem þótti takast með miklum ágætum enda jafningjafræðsla í hávegum höfð. Það er von ungmennaráðsins að sjötta ráðstefnan Ungt fólk og lýðræði verið haldin að ári.
Ungmennaráð Ungmennafélag Íslands þakkar ráðstefnugestum, Héraðasambandi Vestfirðinga og Ísafjarðarbæ fyrir þeirra framlag til ráðstefnunnar. Ungmennafélag Íslands og hvetur jafnframt þau sveitarfélög sem enn hafa ekki stofnað ungmennaráð að taka sér meðfylgjandi ályktun ráðstefnunnar til fyrirmyndar.

Meðfylgjandi ályktun er unnin af þátttakendum með lýðræðislegum vinnubrögðum. Ungmennaþing fór fram seinni daginn á ráðstefnunni eftir vinnustofur fyrri daginn. Á þinginu sköpuðust líflegar umræður um hverja ályktun fyrir sig sem að lokum varð að heildar ályktun sem samþykkt var einróma af ráðstefnugestum. 

Ályktun:

UNGT FÓLK OG LÝÐRÆÐI
Ráðstefnan Ungt fólk og lýðræði, haldin á Ísafirði 9.-11.apríl 2014, skorar á stjórnvöld, jafnt ríki sem sveitarfélög að leita meira til ungmenna og taka tillit til þeirra skoðana á málefnum samfélagsins, einkum þeim er varða ungmennin sjálf.

Við teljum að ungt fólk sé nægilega þroskað til þess að geta myndað sér skoðun sem vert er að taka mark á. Við teljum að mikilvægt sé að hlusta á skoðanir ungs fólks á meðan þær eru ómótaðar og frjálslegar, enda koma þau oft með áhugaverðar hugmyndir sem fara út fyrir hefðbundna hugsun.
Við viðjum efla upplýsingaflæði milli allra aldurshópa.
Við hvetjum öll ungmenni til þess að stíga fram og sýna áhuga á málefnum líðandi stundar til þess að auka virðingu og traust til ungmenna um allt land.
Við teljum nauðsynlegt að efla gagnrýna hugsun og sköpunargleði nemenda í skólum landsins.
Við viljum að ungmenni fái að taka virkan þátt í skipulagningu almenningssamgangna í okkar nærumhverfi. Samgöngumál eru hagsmunamál ungs fólks þar sem þau hafa áhrif á atvinnutækifæri, námsmöguleika og annað starf ungs fólks. Góðar samgöngur eru forsenda þess að ungt fólk geti stundað íþróttir og tómstundir óháð búsetu.
Við viljum að jafnréttis- og kynjafræði verði hluti af grunn- og framhaldsskólanámi á Íslandi.
Við viljum fræðslu um fjármálalæsi og stjórnmál á öllum stigum skólakerfisins.
Við lýsum yfir áhyggjum okkar af takmörkuðum möguleikum ungs fólks til að sækja sér fjölbreytta atvinnu þar sem það á við.
Við leggjum til að kosningaraldur í sveitastjórnarkosningum verði lækkaður niður í 16 ára. Með þeim hætti gæti ungt fólk tekið virkan þátt í stjórnmálum í sínu nærumhverfi til þess að auka áhuga ungs fólks á stjórnmálum. Myndi það stuðla að virkri þátttöku ungmenna síðar meir á stjórnmálum.

Við viljum hvetja ungmennaráð til að auka sýnileika þannig að ungt fólk geri sér grein fyrir því að þau geti borið ýmis málefni undir ráðin sem koma þeim svo á framfæri.
Að eflt verði framboð á félagsstarfi fyrir ungt fólk á bilinu 16-25 ára, þá sérstaklega
ungmenni á aldrinum 16-18 ára, með því að útbúa skýr markmið um ungmennahús á Íslandi.
Stofnaður verði sjóður sem ungmenni geta sótt um styrk í til þess að koma til móts við ungmenni varðandi aðgengi að frístundastarfi til dæmis vegna vegalendar og fjárhags.

Efsta mynd: Katrín Lóa, Þórveig Hulda og Elsa Katrín á ráðstefnunni á Ísafirði.

Stelpurnar mættar til Ísafjarðar.

Elsa Katrín að taka þátt í málefnavinnunni.

Það var ýmislegt sem þurfti að ræða, líka alvarleg málefni!

Illugi Gunnarsson menntamálaráðherra ávarpaði ráðstefnugesti.


Nýlegar fréttir

fim. 14. des. 2017    Opnunartími í sundlaug og líkamsrćkt yfir jól og áramót
fim. 14. des. 2017    Stuđningsmađur ársins 2017
miđ. 13. des. 2017    Jólaundirbúningur í fullum gangi í grunnskólanum
miđ. 13. des. 2017    9. bekkur söng inn jólin á Króki
miđ. 13. des. 2017    Áttundi bekkur syngur jólalög fyrir leikskólabörn
miđ. 13. des. 2017    Ósóttir miđar á ţorrablótiđ aftur í sölu eftir 15. desember
miđ. 13. des. 2017    Föstudagslögin á Fish house annađ kvöld
miđ. 13. des. 2017    Sćnskunámskeiđ í Piteĺ
miđ. 13. des. 2017    Vinnuskóli Codland 2017
miđ. 13. des. 2017    Sumaruppgjör vinnuskólans 2017
ţri. 12. des. 2017    Byrjendalćsi í Grunnskóla Grindavíkur
ţri. 12. des. 2017    Matseđill nćstu viku í Víđihlíđ
ţri. 12. des. 2017    Rashad Whack sendur heim
ţri. 12. des. 2017    Nemendur tónlistarskólans héldu tónleika fyrir starfsfólk HS Orku
mán. 11. des. 2017    Jazzkvartenn Önnu Grétu á Bryggjunni á miđvikudaginn
mán. 11. des. 2017    0,93% atvinnuleysi í Grindavík
mán. 11. des. 2017    Ingibjörg Sigurđardóttir til Djurgĺrden
mán. 11. des. 2017    Ţakkir til Grindvíkinga frá ađstandendum Guđmundar Atla
sun. 10. des. 2017    Ađventustund í kirkjunni klukkan 18:00
fös. 8. des. 2017    Stendur ţú fyrir viđburđi í desember? Láttu okkur vita!
fös. 8. des. 2017    Ćskulýđsbikar Landsambands Hestamanna til Brimfaxa
fös. 8. des. 2017    Grindavík aftur á sigurbraut međ sigurkörfu á lokasekúndunni
fös. 8. des. 2017    Líf og fjör á Fjörugum föstudegi
fös. 8. des. 2017    Nemendur tónlistarskólans halda hátíđlega jólatónleika 9. desember
fim. 7. des. 2017    Hver er Grindvíkingur ársins 2017? Tilnefningar óskast
Grindavík.is fótur