Starfsmenn og foreldrar Heilsuleikskólans Króks bjóða öllum bæjarbúum að heimsækja leikskólann fimmtudaginn 20. nóvember kl. 19:30-22:00, fá hollt í gogginn og jákvæða strauma. Hér á Króki ríkir jafnan jákvætt andrúmsloft sem við höfum markvisst unnið að í nokkur ár og viljum við nú miðla því. Í leiðinni gefum við gestum og gangandi færi á að skoða leikskólastarfið. Guðjón Bergmann mun koma og halda fyrirlestur í boði foreldrafélagsins. Hann segir að fátt sé mikilvægara en náungakærleikur, umhyggja og aðstoð. Ættum við því sem samfélag að þjappa okkur saman, styðja og efla þá sem standa okkur nærri. Hann segir einnig að jákvæðni sé það sem þjóðfélagið þurfi mest á að halda núna og erum við sammála því.
Allir velkomnir

Dagskrá
Kl. 19:30-20:00 Kennarar verða til staðar til að spjalla og gefa upplýsingar um leikskólastarfið.
Námsgögn, leikefni, kennsluefni og annað útgefið efni mun liggja frammi til sýnis.
Kl. 20:00-20:30 Munum við sýna myndböndin ?Dagur á Króki? og Kyrrðarstund?,  sem sýnd voru á foreldrafundi við góðar undirtektir.
Kl. 20:30-21:30 Fyrirlestur Guðjóns Bergmann Jákvætt hugarfar ? Jákvæð hegðun
Kl. 21:30-22:00 Kaffispjall