Þórður á Salthúsinu vann Ólympíugull með kokkalandsliði Íslands

• Fréttir
• 23. október 2008

Þórður M Þórðarson matreiðslumaður
Salthúsinu Restaurant Grindavík
Vann tvenn gullverðlaun og tvenn silfurverðlaun, ásamt Íslenska kokkalandsliðinu á Ólympíuleikum matreiðslumanna. 
Núna rétt í þessu voru þær fréttir að berast að Íslenska kokkalandsliðið hafi fengið 1 gull og 2 silfur fyrir kalda borðið.
Það eru 32 þjóðir sem keppa á Ólympíuleikunum.
Íslenska kokkalandsliðið hélt til Erfurt í Þýskalandi föstudaginn 17. október síðastliðin, til að taka þátt í Ólympíuleikum matreiðslumeistara.
Leikarnir fara fram dagana 19. til 24. október og eru ávallt haldnir sama ár og Ólympíuleikar í íþróttum fara fram.
Með í för Íslenska kokkalandsliðsins er Þórður M Þórðarson matreiðslumaður Salthússins Restaurant, Þórður hefur verið þeim til aðstoðar allan sinn námsferil en hann útskrifaðist í vor með hæðstu einkunn á matreiðslusviði Menntaskólans í Kópavogi, og lærði allan sinn námstíma af þeim bestu á Hótel Sögu.
Í fyrsta sinn í sögu Kokkalandsliðsins á ólympíuleikum fékk liðið gull fyrir heita matinn í dag.  Allt gekk mjög vel, þau voru öll mjög yfirveguð og útkoman eftir því sagði Alfreð Ómar Alfreðsson forseti Klúbbs Matreiðslumanna í samtali við fréttamann, en hann er landsliðinu til halds og trausts ásamt fríðu föruneyti.
Nú er undirbúningur fyrir kalda borðið hafinn og verður ekkert sofið næstu sólarhringa, en borðið á að vera klárt og uppsett miðvikudagsmorgun.
Þegar þessari törn er lokið hjá Þórði tekur hann við að undirbúa
glæsilegt jólahlaðborð Salthússins Restaurant.
Nánar er hægt að skoða jólahlaðborðs matseðilinn
á heimasíðu Salthússins.
www.salthusid.is

 

 

• Síðast uppfært: 23. október 2008