Diddú og Egill Ólafsson í Grindavíkurkirkju.

Sunnudagskvöldið 3. maí verða haldnir tónleikar í Grindavíkurkirkju kl. 20. Á tónleikunum koma fram söngvararnir, Sigrún Hjálmtýsdóttir (Diddú) og Egill Ólafsson en meðleikari þeirra er Jónas Þórir píanó- og organisti.

Egill og Diddú skipa fremstu röð íslenskra tónlistarmanna en hafa farið í ólíkar áttir frá dögum Spilverks Þjóðanna. Það er því mikill fengur fyrir Grindvíkinga að fá þessa frábæru listamenn í heimsókn og njóta samsöngs þeirra.

Efnisskrá tónleikanna er mjög fjölbreytt og víða komið við frá tónlistarferli þeirra.

Aðgangseyrir er kr. 1500 

• Síðast uppfært: 1. maí 2008