Bæjarstjórn Grindavíkur vinnur að skipulagsvinnu fyrir miðbæ - hafnarsvæði í Grindavík. Næsta skref í þeirri vinnu var opin hugmyndasmiðja sem haldin var í Kvikunni um helgina en þar hátt í 30 manns mætti til að móta hugmyndir fyrir skipulagsvinnuna.
Fundurinn tókst virkilega vel en umsjón hans var í höndum EFLU verkfræðistofu og Ármanns Halldórssonar sviðsstjóra skipulags-og umhverfissviðs. Margar góðar hugmyndir litu dagsins ljós og verða þær nýttar í þá skipulagsvinnu sem framundan er og kynnt verður síðar.