Bæjarstjórn Grindavíkur hyggst hefja skipulagsvinnu fyrir miðbæ - hafnarsvæði í Grindavík og býður fyrirtækjum og íbúum bæjarins að taka þátt í að móta hugmyndir fyrir skipulagsvinnuna. Svæðið er athafnasvæði þar sem að fjölbreytt starfsemi er.
Stór liður í því að skipulagsvinnan skili sem bestum árangri er að þeir sem dvelja/starfa á svæðinu komi með hugmyndir af þeim kostum og göllum sem svæðið býr yfir sem og þeirra upplifun af svæðinu dagsdaglega.
Hugmyndasmiðjan verður haldin í Kvikunni laugardaginn 29. mars nk. frá kl. 11-14, boðið verður til opinnar umræðu um hvernig bæjarbúar vilja sjá hafnarsvæðið í framtíðinni. Umsjón með fundinum verður í höndum EFLU verkfræðistofu og Ármanns Halldórssonar sviðsstjóra skipulags-og umhverfissviðs.
Bæjarstjórn hvetur íbúa Grindavíkur til að mæta og taka þannig þátt í mótun skipulags fyrir hafnarsvæðið. Boðið verður upp á léttan hádegisverð í hléi.