Nemendur í 6. P hafa að undanförnu unnið að samþættingarverkefni með Pálma Ingólfssyni umsjónarkennara og Benný Ósk Harðardóttur textílkennara. Fengu nemendur að velja sér þjóðsögu úr heimabyggð og vinna svo myndrænt með hana.
Mikil alúð var lögð í verkin og frábært að fylgjast með eljusemi og skapandi hugarfari krakkanna. Verkin eru til sýnis í anddyri skólans þar sem miðstig gengur inn. Það er þess virði að ganga þar um og rifja upp sögur eins og um kerlurnar Þórkötlu og Járngerði, Festarfjall og fleira.