Grindavíkurbær vill koma til móts við framhaldsskólanemendur í bænum sem ekki komast í skóla vegna verkfalls með því að opna félagsmiðstöðina Þrumuna ef áhugi er fyrir hendi, í samvinnu við ungmennaráð bæjarins og frístundaleiðbeinanda og sviðsstjóra frístunda- og menningarsviðs. Jafnframt verður framhaldsskólanemendum boðið frítt í sund gegn framvísum skólaskírteinis meðan á verkfallinu stendur.
Ef Framhaldsskólanemendur vilja nýta sér aðstöðuna í félagsmiðstöðinni Þrumunni til þess að læra, spila, elda eða stunda félagsstarf, eru þeir beðnir að hafa samband við Jóhann Árna Ólafsson frístundaleiðbeinanda í síma 660 7326, eða í gegnum Facebook síðu Þrumunnar eða senda póst á johannao@grindavik.is
Þá er bókasafnið opið virka daga frá kl. 11:00-18:00 þar sem hægt er að sækja sér ýmsa afþreyingu.