Miðasala á bikarúrslitaleik Grindavíkur og Stjörnunnar í körfubolta karla sem fram fer í Laugardalshöllinni laugardaginn 22. febrúar nk. mun fara fram fyrir leikinn. Forsalan hefst mánudaginn 17. febrúar og mun hún Ása selja miðana á Glæsivöllum 9 og verður hægt að kaupa miða frá kl 19:00-22:00 alla dagana sem til eru miðar en aðeins eru seldir 250 miðar í forsölu.
Miðaverðið er 1500.- í forsölu en 2000.- kr á leikdegi í höllinni. Einnig er hægt að kaupa miða á www.midi.is
Við viljum einnig minna þá á sem hafa áhuga á að fylgjast með körfuknattleiksdeildinni á síðuna þeirra á Facebook